放完長假第一日返工。之前能夠日日訓到自然醒，返阿媽度煲靚湯，攤喺度睇吓日劇，訓個靚嘅晏覺真係好爽。快樂嘅時間總係過得那麼快。返工嘅時間總係那麼漫長。望幾個鐘都仲係十點三，點算？😩😩😩😩
今日姑娘聽嘅電話同我見嘅病人，有一半都係問麻疹針，或者想問抽血睇吓有冇麻疹抗體。真係解釋都解釋到口臭。我哋嘅化驗費唔算好貴，但係都只係有一個半個人真係最尾會抽血。又要去沖繩/台灣，又唔抽血，又唔知自己有冇生過麻疹，跟住針卡又冇，針又唔肯打，係咩玩法？
～～～
話說我放假嘅時候，又有人投訴話診所喺截咗症之後唔肯睇埋佢。經理訓話嘅時候口快快講左其實如果仲有位嘅，佢又R得勁嘅話，就睇埋佢啦。一個半個症唔使斤斤計較。
咁樣咩叫做截症？大大隻字係卡片/Website寫曬D Working Hours/Last Booking時間做咩嘢？咁Lunch我放多1兩個鐘囉！每個月出糧你出多一兩成俾我。我每日返遲一兩個鐘你都唔好斤斤計較好冇？
我地已經收左工都有Entertain好多So-Called Emergency症。例如有精力拍爛門但係只係發燒37.6C我地都睇埋。PK左整親少少膝頭哥連血都冇流我地又OT睇埋。呢D係Emergency咩？我地做多左，不嬲都唔話俾你經理大人知，唔同你計OT。你唔好講到我地咩都唔理，淨係掛住收工好唔好？
而家係原則嘅問題。你講嘢唔好咁Ung耳好唔好？俾一個R得勁嘅人黎睇，個個咪學識R嘢囉。你有帶腦返工嗎？
～～～
今晚怒氣匆匆返屋企親自下廚款待好友們。煮咗蒜蓉白汁三文魚帶子天使麵。跟住有人送甜品，正！黎唔切影嗰12個蛋糕仔，因為已經被（我）瘋狂搶掠一番～～
Search